पूर्वका ६ जिल्ला बन्द

आफ्नोन्यूज, चैत १४ गते विहीबार

सोलुखुम्बु । सोलुखुम्बुमा हिजो भएको झडपको विरोधमा नेकपा माओवादीको किराँत राज्य समितिले आज पूर्वका ६ जिल्ला बन्दको आहृवान गरेको छ ।
एसएलसी परीक्षाका केन्द्र भएका स्थानमा बाहेक अन्य ठाउँमा बन्द आहृवान गरिएको बुझिएको छ ।
हिजो काङ्ग्रेस र माओवादी कार्यकर्ताबीच भएको झडपमा परी एक माओवादीको मृत्यु भएको थियो भने जिल्ला सेक्रेटरी हिमाल गिरीसहित २४ जना भन्दा बढी घाइते भएका थिए ।
झडपमा काङ्ग्रेसका उम्मेदवार बलबहादुर केसी पनि घाइते भएका छन् ।
घाइतेमध्ये उम्मेदवार केसीसहित १२ जनालाई उपचारका लागि शिक्षण अस्पताल महाराजगञ्जमा ल्याइएको छ ।
जिल्लाको चिसा खोला भन्ने ठाउँमा माओवादी र काङ्ग्रेसले एकै ठाउँमा गरेको चुनावी सभामा एक्कासी दोहोरो झडप सुरु भएको थियो ।
झडपमा वाइसिएलका जिल्ला सचिवालय सदस्य गङ्गाबहादुर भुजेल 'गजेन्द्र' को मृत्यु भएको माओवादी केन्द्रीय सूचना ब्यूरोले जनाएको छ ।