उधारो रकम नतिर्ने व्यापारीलाई करेन्ट

आफ्नोन्यूज, चैत १६ गते शनिबार

नेपालगन्ज । नेपालगन्जको न्युरोड फुटपाथका जुत्ता व्यापारी फिरोज हल्वाईलाइ उधारो रकम भुक्तान नगरेको भन्दै जुत्ताको थोक व्यापारी डा. केडियाले करेन्ट लगाएर घाइते बनाएका छन् ।स्थानीय भेरी अञ्चल अस्पतालको आपतकालीनकक्षमा उपचार गराइरहेका फिरोज हल्वाई बेहोस अवस्थामा रहे पनि खतरामुक्त रहेको अस्पतालले जनाएको छ ।न्युरोडमै रहेको ओम र्साई फुटवेयर थोक पसलका व्यापारी केडियाले बुधबार राति फुटपाथे व्यापारी फिरोजलाई आफ्नो पसलको गोदामघरमा ल्याई कुटपिट गर्दै करेन्ट लगाएको घाइते फिरोजको भनाइ उद्धृत गर्दै उनका भाइ बाबु हल्वाईले बताए । डा. केडियाले पैसा भुक्तान नगरेमा पुनः करेन्ट लगाउने भनी राति नौ बजे छोडेपछि पुनः यातना पाउने डरले फिरोजले शुक्रबार बिहान विष सेवन गरेको उनका भाइले बताए ।