दुर्घटनामा दुईको मृत्यु

आफ्नोन्यूज, चैत १९ गते मंगलबार

मोरङ । मोरङको बेलबारी-९ मा रहेको चिसाङ खोला नजिकै १८ चैतमा भएको सडक दुर्घटनामा घाइते भएका तीन जनामध्ये दुइ जनाको मृत्यु भएको छ । उनीहरुको गएराति उपचारका क्रममा भएको हो ।
दुवै जनाको विपी कोइराला स्वास्थ्य विज्ञान प्रतिष्ठान धरानमा उपचार गर्दागर्दै मृत्यु भएको हो । ठक्करबाट गम्भीर घाइते भएका एक बालकको उपचार भइरहेको छ ।
मृत्यु भएकामध्ये अमर गुरुङको सनाखत भएपनि अर्काको हुनसकेको छैन ।
ना १ ख ६५४० नम्वरको ट्रकले एकैपटक ना १ प ३६४६ नम्बरको मोटरसाइकल र एउटा साइकललाई ठक्कर दिँदा तीन जना घाइते भएका थिए ।