झन्डाको विषयलाई लिएर गोली प्रहार

आफ्नोन्यूज, चैत १० गते आईतबार ( दिउँसो ४:०० बजे )

लहान । झन्डाको विषयलाई लिएर सिरहामा एक जनाले चलाएको गोली लागी नेपाली काङ्ग्रेसका दुई कार्यकर्ता घाइते भएका छन् ।सिरहा जिल्लाको क्षेत्र नं. ५ अर्न्तर्गत पर्ने प्रयागपुर चोकमा गाडेको नेपाली काङ्ग्रेसको झन्डा उखेल्न खोज्दा भएको विवादमा स्थानीय जग्गु साहले चलाएको गोलीको र्छरा लागी घाइते हुनेहरूमा नेपाली काङ्ग्रेसका कार्यकर्ताद्वय रामपुर विर्ता गाविस, वडा नं. ३ का अमोध यादव र कर्जनाहा गाविस, वडा नं. ३ का घोघरा सदा भएको थाहाभएको छ । घाइतेहरूको दाहिने कुममा र्छरा लागेको र अहिले लहानस्थित नर्सिङ्ग होममा उपचार भइरहेको छ । तर्राई जनतान्त्रिक मुक्तिमोर्चा -विस्फोट सिंहका कार्यकर्ता जग्गु साहले सो झन्डा उखेल्न खोज्दा नेपाली काङ्गे्रसका कार्यकर्ताले उखेल्न नदिएपछि साहले गोली चलाएको स्थानीय प्रदीपकुमार मण्डलले सञ्चारकर्मीलाई बताए ।