निर्वाचनमा सुरक्षाको जिम्मा स्थानीय निकायलाई

आफ्नोन्यूज, चैत १२ गते मंगलबार

पाँचथर । गृहमन्त्री कृष्णप्रसाद सिटौलाले देशमा युगान्तकारी परिवर्तनका लागि हुन लागेको संविधानसभा निर्वाचनमा एकआपसमा सहमति र समझादारीको पालना गर्नु आवश्यक रहेको बताउनुभएको छ । फिदिममा आज आयोजित र्सवदलीय छलफल कार्यक्रममा उहाँले भोलि सबै मिलेर संविधान बनाउनुपर्ने भएकाले यसमा कसैको पनि हार नहुने उल्लेख गर्दै निर्वाचनमा मतदाताहरुले स्वतन्त्र रुपमा मतदान गर्ने अधिकारको सुनिश्चितताले मात्र वास्तविक लोकतन्त्रको आधार बलियो हुने दावी गर्नुभयो । दलका नेताहरुले गाउँमा अझै पनि जनतामा त्रासको स्थिति कायम रहेको जनगुनासो उठाएपछि मन्त्री सिटौलाले सुरक्षाको सम्पुर्ण जिम्मा स्थानीय रुपमा नै प्रमुख जिल्ला अधिकारीलाई दिइएको बताउनुभयो ।