माओवादीद्वारा विद्रोहको चेतावनी, एमालेद्वारा आपत्ती

आफ्नोन्यूज, चैत ११ गते सोमबार ( साँझ ५:३० बजे )

ललितपुर । नेकपा माओवादीका अध्यक्ष प्रचण्डले संविधानसभा निर्वाचनविरुद्ध षड्यन्त्र भए विद्रोह गर्ने चेतावनी दिएका छन् । ११ चैतमा ललितपुरमा आयोजित चुनावी सभामा बोल्दै उनले देशी विदेशीबाट चुनावमाथि षड्यन्त्र भएको बताए ।
चुनाव कुनै हालतमा सफलताका साथ सम्पन्न गर्नुपर्नेमा जोड दिदै अन्यथा जनविद्रोहको विकल्प नभएको बताए । माओवादीको पक्षमा जनलहर देखेर गणतन्त्रविरोधीहरु आत्तिएको प्रचण्डको भनाई थियो ।
माओवादीको विद्रोह गर्ने चेतावनीप्रति एमालेले आपत्ती जनाएको छ । एमाले महासचिव माधवकुमार नेपालले काठमाडौंको सांखुमा आयोजित चुनावी सभामा बोल्दै व्रि्रोहमा जान खोजे माओवादी कार्यकर्ताले नै साथ नदिने दाबी गरे । उनले भने,'रोल्पाका हुन् या अन्य स्थानका माओवादी कार्यकर्ताको जिम्मा म लिन्छु, विद्रोहमा जानुपर्दैन ।' माओवादीलाई उनकै नेता कार्यकर्ताले छाड्न थालेको नेपालको भनाई थियो ।