मतदानमा मधेशको उत्साह

आफ्नोन्यूज, चैत २८ गते विहीवार

जनकपुर । केही मतदान केन्द्रमा चुनाव स्थगित भएपनि तर्राईका अधिकांश मतदान केन्द्रहरुमा बिहानैदेखि ठूलो संख्यामा मतदाताहरुको उपस्थिती देखिएको छ । 
चुनाव अधिकारीहरुको भनाईमा ११ बजेसम्ममा धनुषाका अधिकांश केन्द्रमा ४० प्रतिशत भन्दा बढि मतदान भएको छ ।
यसबीच सिरहा, र्सलाही र महोत्तरी जिल्लाको केही मतदान केन्द्रमा असहज परिस्थिति उत्पन्न भएपछि मतदान स्थगित गरिएको छ ।
महोत्तरी जिल्लाको सुगाभवानीपट्टी र बनौली दनौली गाविसमा रहेको मतदान केन्द्रमा दलहरुवीच बिवाद र झडप पछि मतदान स्थगित भएको छ ।
बनौली मतदान केन्द्रमा कांग्रेस, तमलोपा र एमाले कार्यकर्तावीच झडप भएपछि कांग्रेस कार्यकर्ताले नजिकैको पोखरीमा मतपेटिका फालिदिएका थिए । त्यस्तै सुगामा एमाले कांग्रेस कार्यकर्तावीच झडप भएपछि मतदान स्थगित गरिएको हो ।
र्सलाही जिल्लाको बलरा गाविस १,२,३ वडाको मतदान स्थगित गरिएको छ । कांग्रस उम्मेदवार अमरेशनारायण सिंहका र्समर्थकले बुथ लुटन खाजेपछि मतदान स्थगित गरीएको निर्वाचन कार्यालय स्रोतले जनाएको छ ।
यता नेपाली कांग्रेसको तर्फाट धनुषा क्षेत्र नं ४ की उम्मेदवार लिला कोइराला चढेको गाडीलाइ लक्षित गरि आज अज्ञात समूहले गोली प्रहार गरेको छ । जनकपुर नगरपालिकाको पगलावावा धर्मशाला वहांको गाडिमाथी गोलि प्रहार भएको थियो । गोली गाडीमा नलागेकोले घटनामा कुनै क्षति भएन ।
उता रौतहटमा नेकपा माओबादीका उम्मेदवार प्रभु साह र्समर्थक र प्रहरीवीच प्रेमपुर गोनाही मतदान केन्द्रमा झडप भएको छ । साहमाथि बुथ कब्जा गर्न खोजेको आरोप छ । रौतहटमै तमलोपाका उम्मेदवार राजदेव चौधरीकी पत्नि हेमन्तीदेवीमाथि अज्ञात समुहले गोली प्रहार गरेको छ ।
रौतहटमै नेकपा एमालेका उम्मेदवार डा.वंशीधर मिश्र चढेको गाडीलाइ लक्षित गरि बिद्युतिय धराप थापेपनि संयोगले उहा जोगिनुभएको छ ।
उम्मेदवारको गाडिको ठक्करबाट एकको मृत्यू
महोत्तरीको क्षेत्र नं ३ मा नेपाली कांग्रेसको तर्फाट उम्मेदवार बनेका रामचन्द्र तिवारीको गाडीको ठक्करवाट एकजनाको मृत्यु भएको छ । जिल्लाको पर्सर्ाातैली गाविस मतदान केन्द्रमा अज्ञात समूहले गोली प्रहार गरेपछि भएको भागदौडमा तिवारीको गाडीले ठक्कर दिदा सो गाविस वडा नं २ का प्रद्युम्न कापरको मृत्यु भएको हो । त्यसअघि कांग्रेस र तमलोपाका कार्यकर्तावीच झडप हुदा अनीता शर्मा घाइते भएकी छिन ।