आयोगद्धारा निवेदन दिन आग्रह

आफ्नोन्यूज, चैत २० गते बुधबार

काठमाडौ । निर्वाचन आयोगले संविधान सभाको चुनावका लागी बन्दसूचिमा सूचिकृत भएका उम्मेद्वारलाई नाम फिर्ता लिन चाहेमा आज उम्मेद्वारी फिर्ताको निवेदन दिन आग्रह गरेको छ । आयोगले आज र भोली फिर्ता लिन चाहाने उम्मेद्वारीका लागी निवेदन दिन समय ताकेको हो ।
आज र भोली आफ्नो नाम फिर्ता लिन चाहाने उम्मेद्वारले निवेदन दिएपछि भोली सम्बन्धित दलहरुलाई जानकारी गराउने आयोगले जनाएको छ ।
आयोगले आजै अहिले सम्म नागरीकता नबुझाएका विभिन्न् दलका उम्मेद्वारलाई आफ्नो प्रमाणपत्र पेश गर्न पनि भनेको छ । अहिले सम्म बन्दसूचिका २ सय २७ जनाले नागरीकता बुझाएका छैनन् ।
आज ५ बजे सम्म नागरीकता नबुझाए उनीहरुको उम्मेद्वारी रद्द गरिने आयोगका प्रवक्ता लक्ष्मण भट्टराइले जानकारी दिनुभयो ।
कार्यतालीका अनुसार आयोगले पर्सि बन्दसूचिका सबै उम्मेद्वारको अन्तिम नामावली प्रकाशन गर्नेछ ।