प्रधानमन्त्री भोट हाल्न बिराटनगर जादै

आफ्नोन्यूज, चैत २७ गते बुधबार

काठमाडौ । प्रधानमन्त्री गिरिजाप्रसाद कोइराला संविधान सभा चुनावका लागी भोट हाल्न आज गृहनगर बिराटनगर जादैहुनुहुन्छ ।
सामानुपातिकका लागी काठमाण्डौमा नै मतदान गर्ने पाउने भएपनि प्रत्यक्षसिटमा मतदान गर्न प्रधानमन्त्री कोइराला आज बिराटनगर जान लाग्नु भएको हो ।
उहाँले बिराटनगरको आदर्श उच्च माध्यमिक विद्यालयमा रहेको मतदान केन्द्रमा मतदान गर्ने हाम्रा विराटनगर सहकर्मिले जनाएका छन् ।
प्रधानमन्त्री कोइराला दिउसो २ बजे जाने कार्यक्रम रहेको छ ।
नेकपा एमालेका महासचिव माधवकुमार नेपालले काठमाण्डौको क्षेत्रनम्बर २ को काटेश्वरबाट मतदान गर्ने र क्षेत्रनम्बर १ रौतहटमा पनि जाने एमालले जनाएको छ ।
तर नेकपा माओवादीका अध्यक्ष प्रचण्ड भने काठमाण्डौको क्षेत्रनम्बर १० र रोल्पाको २ मा उम्मेद्वार हुनुभएकाले आफ्नो मतदाता नामावली भएको चितवनमा जाने नजाने अन्यौल रहेको उहाँ निकट स्रोतले जनाएको छ ।
उहाँले आफू उम्मेद्वार भएको क्षेत्रमा भने मतदाता नामावली नभएकाले भोटहाल्न पाउनुहुने छैन ।
त्यस्तै राजा ज्ञानेन्द्र र राजपरिवारका सदस्यले मतदाता नामावलीमा नाम नभएकाले भोट हाल्न नपाउने निर्वाचन आयोगले जनाएको छ ।