संविधानसभा निर्वाचनमा कसैले पनि डर, धम्की दिनु नहुने

आफ्नोन्यूज, चैत १९ गते मंगलबार

मध्यपुर थिमी । नेपाल मजदुर किसान पार्टीका अध्यक्ष नारायणमान बिजुक्छेले मतदान गर्ने अधिकार पाएका ब्यारेकभित्र रहेका नेपाली सेना र क्यान्टोन्मेन्टमा रहेको माओवादी सेनाका लडाकूलाई पनि निर्वाचनबारे जान्ने अवसर दिइनुपर्ने बताउनुभएको छ । नेमकिपा मध्यपुर थिमी नगर समितिद्वारा आज थिमिमा आयोजित चुनावी सभामा उहाँले प्रत्येक दलले आ-आफ्नो दलको घोषणापत्र तथा अवधारणा नेपाली सेना र माओवादी लडाकूलाई भन्न पाउनुपर्ने व्यवस्था गर्नुपर्ने बताउनुभयो । यसो हुँदा सेनाको ब्यारेक र क्यान्टोन्मेन्टमा बसेका लडाकूबाट खस्ने मत एकपक्षीय रुपमा नखसी आफूलाई घोषणापत्र मन परेको दललाई मतदान गर्नसक्ने बताउँदै उहाँले उनीहरूलाई दलहरुको घोषणापत्र र विचार जान्ने अधिकारबाट वञ्चित गर्न नहुने उल्लेख गर्नुभयो । सभामा नेपाल क्रान्तिकारी शिक्षक सङ्घका अध्यक्ष गोविन्द दुवाल, नेपाल क्रान्तिकारी महिला सङ्घको अध्यक्ष अम्बिका न्याइचाई, नेमकिपाका भक्तपुर जिल्ला अध्यक्ष रमेश थापा श्रेष्ठलगायतले संविधानसभा निर्वाचनमा कसैले पनि डर, धम्की दिनु नहुने बताउनुभयो ।सभा नेमकिपा थिमी नगर अध्यक्ष विक्रम वैद्यको सभापतित्वमा भएको