पांच दिन बिदा

आफ्नोन्यूज, चैत २० गते बुधबार

काठमाडौ । संविधानसभा निर्वाचनका लागि सरकारले पांच दिन सार्वजनिक बिदा घोषणा गरेको छ । २० चैतमा बसेको मन्त्रिपरिषदको बैठकले २५-२९ चैतसम्म बिदा घोषणाको निर्णय गरेको हो ।
चुनावमा कर्मचारी, प्रहरीलाई खटाउनुपर्ने भएकाले सरकारले बिदा घोषणा गरेको हो । चुनावी प्रचारप्रसारलाई व्यापक बनाउन गृह मन्त्रालयले बिदा प्रस्ताव लगेकोमा मन्त्रिपरिषदले पारित गरेको हो । नेपालको इतिहासमै पहिलोपटक हुनलागेको चुनावलाई सबै मिलेर सफल बनाउन समेत सरकारले आग्रह गरेको छ ।