चार हजारको हाराहारीमा सुरक्षाकर्मी परिचालन गरिने

आफ्नोन्यूज, चैत २० गते बुधबार

भद्रपुर । आसन्न संविधानसभा निर्वाचन शान्तिपुर्ण ढङ्गले सम्पन्न गर्नका लागि झापा जिल्लामा चार हजारको हाराहारीमा सुरक्षाकर्मी परिचालन गरिने भएको छ ।सो अनुसार, नेपाल प्रहरी १ हजार ३११ र म्यादी प्रहरी एक हजार ५२९गरी नेपाल प्रहरीको तर्फबाट दुई हजार ८४० जना परिचालन गरिनेछ । त्यसैगरी, सशस्त्र प्रहरीका ५४० र सशस्त्रतर्फो म्यादी १५५ गरी ६९५ जना परिचालन हुने बताइएको छ । जिल्लाको ७०८ वटा मतदान केन्द्रको सुरक्षाका लागि ती सुरक्षाकर्मी परिचालन गरिने छ ।प्रत्येक मतदान केन्द्रमा कम्तीमा छ सुरक्षाकर्मी परिचालन गरिने प्रमुख जिल्ला अधिकारी शङ्करप्रसाद कोइरालाले बताउनुभयो ।