स्वस्थ प्रतिस्पर्धा मात्रै लोकतन्त्रको मूल सिद्धान्त -सुजाता कोइराला

आफ्नोन्यूज, चैत २४ गते आइतबार

इटहरी । नेपाली काङ्ग्रेसका केन्द्रीय सदस्य तथा विना विभागीय मन्त्री सुजाता कोइरालाले संधिवानसभा निर्वाचनले सबै जातजाति, उत्पीडित समुदाय र महिलाको आत्मसम्मानको प्रत्याभूति गरी अधिकारसम्पन्न नागरिकको दर्जा प्रदान गर्ने बताउनुभएको छ । नेपाली काङ्ग्रेस, क्षेत्रीय समितिद्वारा सुनसरी जिल्लाको रामनगर भुटाहा गाविसमा आज आयोजित चुनावीसभामा उहाँले जनतालाई मताधिकार गर्नबाट वञ्चित गराउन खोज्ने जो कोहीलाई पनि नागरिक समाजले प्रतिकार गर्नुपर्ने आवश्यक्यता औँल्याउनुभयो । राजनीतिक दलहरूको निर्वाचन प्रचारप्रसारका क्रममा केही समूहद्वारा अवरोध पुर्‍याउने गरेको घटनाको आलोचना गर्नुहुँदै मन्त्री कोइरालाले स्वस्थ प्रतिस्पर्धा मात्रै लोकतन्त्रको मूल सिद्धान्त भएको उल्लेख गर्नुभयो । नेपाली काङ्ग्रेस सुनसरी जिल्ला निर्वाचन क्षेत्र नं. ५ का सभापति ताहिर अन्सारीको सभापतित्वमा भएको सो सभामा मुस्लिम नेता गफ्फार मियाँलगायतले बोल्नुभएको थियो ।