समानुपातिक पनि अन्तिम चरणमा

१० बैशाख २०६५

दुई सय चालिस सीटका लागि भएको प्रत्यक्षतर्फको सम्पूर्ण नतिजा आएपनि ३३५ सीटका लागि भएको समानुपातिकतर्फको सम्पूर्ण नतिजा आउन अझै केही दिन लाग्नेछ ।
चैत २८ गते सम्पन्न संविधानसभा चुनावको प्रत्यक्षतर्फको नतिजा प्राप्त भए पनि समानुपातिकतर्फको मतगणना जारी छ । २ सय ४० स्थानका लागि भएको प्रत्यक्ष चुनावमा माओवादीले १२०, नेपाली कांग्रेसले ३७, एमालेले ३३, मधेशी जनअधिकार फोरमले ३० र तराई मधेश लोकतान्त्रिक पार्टीले ९ स्थान ल्याएका छन् । यसैगरी, सदभावना महतो पक्षले ४, नेपाल मजदुर किसान पार्टीले २, जनमोर्चाले २, राष्ट्रिय जनमोर्चाले १ र स्वतन्त्र उमेदवारले १ स्थान जितेका छन् । अहिलेसम्मको मत गणना अनुसार, समानुपातिकतर्फ पनि प्रत्यक्ष जस्तै माओवादी पहिलो, नेपाली कांग्रेस दोश्रो, एमाले तेश्रो, फोरम चौथो र तराई मधेश लोकतान्त्रिक पार्टी पाँचौ स्थानमा छन् ।

समानुपातिकतर्फको मतगणनाको पछिल्लो स्थिति यस्तो छ ।

माओवादीः ३० लाख १९ हजार ४२६ नेपाली कांग्रेसः २१ लाख ४० हजार १२४ एमालेः २० लाख ५६ हजार १८५ फोरमः ५ लाख ८१ हजार २४८ तमलोपाः २ लाख ८२ हजार ९९७ राप्रपाः २ लाख ४८ हजार ६२४नेकपा मालेः २ लाख ३१ हजार ९२१सदभावनाः १ लाख ५५ हजार २४२जनमोर्चाः १ लाख ५० हजार २२३ संय’क्तः १ लाख ४५ हजार ९८७ राप्रपा नेपालः १ लाख ३ हजार