राजतन्त्र जोगाउन सशस्त्र संघर्षको चेतावनी

आफ्नोन्यूज,बैशाख १८ गते बुधवार

काठमाडौ । नेपाल र भारतका कट्टर हिन्दूवादीले राजतन्त्र जोगाउन सशस्त्र संघर्षको चेतावनी दिएका छन् । भारतको उत्तरप्रदेशमा १७ वैशाखमा सम्पन्न सम्मेलनपछि विश्व हिन्दु परिषदले उक्त चेतावनी दिएको हो ।

राजतन्त्र हटाए आफूहरुलाई मान्य नहुने भन्दै उनीहरुले सशस्त्र संघर्षको तयारी भइरहेको जनाएका छन् । परिषदका अध्यक्षमा छानिएका नेपाली सेनाका पूर्व कर्णेल हेमबहादुर कार्की र निवर्तमान अध्यक्ष एवं पूर्व शाही पाश्ववर्ती भरतकेशर सिंहले सशस्त्र संघर्षको नेतृत्व गर्ने जनाइएको छ । उनीहरुलाई भारतीय जनता पार्टीका सांसद आदित्यनाथले समेत आन्दोलनमा सघाउने जनाइएको छ ।

संविधानसभाको पहिलो बैठकले राजतन्त्र हट्ने निश्चितप्राय हुंदा हिन्दुवादीहरुको पछिल्लो अभिव्यक्ति आएको हो ।